ፖሊስ፡ ብድሮን ዝገብሮ መስርሕ ምቁጽጻር ብዘይ ቅኑዕ ኣገባብ እንተ ተጠቂምሉ ምግሃስ ምሰል ደቂ ሰባት ክኸትል ከምዝኽእል ክብል መምህር ስነ-ገበናት፡ ያና ፍሊግሄድ፡ ነቒፉ።
መብዛሕትኡ እዋናት፡ ሕብረተሰብ ሽወደን ኣብ ትሕቲ ምክትታል ምህላዉ ኣይፈልጥን እዩ። ምክትታልን ምቁጽጻር ሰባት፡ ግህሰት መሰል ደቂ ሰባት እዩ ክብል ምስ ሬድዮ ሽወደን ኣብ ዝገበሮ ርክብ ኣረጋጊጹ።
ብድሮን ተጠቂምካ ምቁጽጻርን ምክትታልን ብሓላፍነት ፖሊስ ዝትገበር ምስርሕ ክኸውን እንከሎ፡ እንተ ብድሮን ተጠቂምካ ኣባይቲ ምፍታሽን ዳህሳስ ምክያድን ግን ካብ ኣኽባሪ ሕጊ ፍቓድ ዝሓትት መስርሕ እዩ።
ፖሊስ ሽወደን፡ መጠን ናይቲ ኣብ መላእ ሽወደን ብድሮን እናተጥቀመ ዝፈጸሞ ናይ ምቁጽጻርን ምክትታልን መስርሕ ኣብዘን ዝሓላፈ ክልተ ዓመታት ክብ ከምዘበሎ ይፍለጥ።
