ፕረዚደንት ባይደንን ፑቲንን ኣብ ጀነቫ ክራኸቡ እዩም

ፕረዚደንት ኣሜሪካ፡ ጆ ባይደን፡ ምስ ቀዳማይ ሚኒስተር ሩስያ፡ ቭላድሚር ፑቲን፡ ኣብ ወርሒ ሰነ ናይዚ ዓመት’ዚ ኣብ ስዊዘርላንዳዊት ከተማ ጀነቫ ክራኸቡ ትጽቢት ከምዘሎ ማዕከን ዜና ሲ ኤን ኤን ሓቢራ ክብል ማዕከን ዜና ተተ ኣቃሊሑ።

እቲ ኣብ መንጎ ክልቲኦም ወገናት ክካየድ ተሓሲቡ ዘሎ ርክብ፡ ምስ ቀዳማይ ወግዓዊ ዑደት ፕረዚደንት ባይደን ምትሕሓዝ ዘለዎ ክኸውን ከምዝኽእልን ኣብ ዕለት 15 -16 ናይ ወርሒ ሰነ፡ ክካየድ ከምዝኽእል ሰበ ስልጣን ሲ ኤን ኤን ይገልጹ።

ኣማኸርቲ ክልቲኦም መራሕቲ፡ ነዚ ርክብ ክዉን ንኽገብሩ፡ ንኣዋርሕ ክሰርሕሉ ከምዝጸንሑ ዝፍለጥ እካ እንተኾነ፡ ቤት ጽሕፈት ዋይት ሃውስ ግን፡ ንናይ ክልቲኦም መራሕቲ ምርኻብ ብዝምልከት፡ መግለጺ ከምዘይሃበ ይፍለጥ።