ጥንታዊት ከተማ ግብጺ ብኹዕታ ተረኺባ

ንኣስታት 3000 ዓመታት ብሑጻ ምድረበድ ግብጺ ተቐቢራ ዝነበረት ጥንታዊት ከተማ ግብጺ ተረኺባ። እዚ ድሕሪ መቓብርን ቅርሲን ፈርኦን ቱታንካሙን እቲ ዝዓበየ ክኸውን ከም ዝኽእል ቢቢሲ ሓቢራ’ላ።

ህቡብ ተመራማሪ ጥንታዊት ግብጺ (Egyptologist) ዛሂ ሓዋዝ እዛ ጥንታዊት ከተማ ኣብ ጥቓ ላቕዛር ብሓሙስ ከም እትረኽበት ገሊጹ። ዛጊት ብዂዕታ ካብ ዝተረኽባ ከተማታት እታ ዝዓበየት ከም ዝኾነት ድማ ኣመልኪቱ።

ካብ መስከረም 2002 ኣትሒዙ ብዝተኻየደ ጥንቃቐ ዝመልኦ ኲዕታ መሽጐራጒርን ቅርጻ ህንጻታትን እታ ከተማ ክዕቀብ ተኻኢሉ’ሎ። እዛ ከተማ ኣብ እዋን ፈርኦን ኣመንሆቴፕ ሳልሳዊ ዝተሃንጸት ክትከውን ከም እትኽእል ድማ ተገሊጹ። ኣመንሆቴፕ ካብ 1931-1354 ቅ/ል/ክ ዝገዛአን ካብቶም ኣዝዮም ሓያላት ፈርኦናት ግብጺን ምዃኑ ይፍለጥ። ከምኒ ኣይን ቱታንካሙን ዝበሉ ፈርኦናት ዝነገሱላ ከተማ እያ ኔራ—ብመሰረት ጸብጻብ ቢቢሲ።

ኣብዚ ኲዕታ ብዘይካ እታ ከተማ ካልእ ኣገዳስነት ዘለዎ ስነኲዕታዊ ቅርሳታት ከምኒ ሕብራዊ ዕትሮን መጋየጺታትብ እውን ተረኺቡ ኣሎ።