ጓል ትሸዓተ ዓመት፡ ናብ ዩኒቨርስቲ ተጸምቢራ

ኣሊሳ ተፕልጃኮቫ ዝተባህለት ጓል ትሽዓተ ዓመት ህጻን፡ ናብ ዩኒቨርስቲ ዘእቱ መምዘኒ ስለዝረኸበት፡ ናብ ዩኒቨርስቲ ሞስኮ ኣትያ ክብል ንጸብጻብ ዘ ታይምስ ዝተባህለ መርበብ ሓበሬታ ብምጥቃስ ማዕከን ዜና ተተ ሓቢሩ።

ተፕልጃኮቫ፡ ኣብ ዝኾነ ይኹን ቤት ትምህርቲ ዘይተማህረት ህጻን ኮይና፡ ስድራቤታ፡ ጓል ኣርባዕተ ዓመት እንከላ ጀሚሮም ኣብ ገዛ ክምህርዋ ከምዝጸንሑ እዩ ዝግለጽ።

ንሳ፡ ቦኽሪ ገዛ ምዃናን ምስ ሽዱሽተ ኣሕዋታን ኣሓታን ኮይና ድማ ኣብ ገዛ ዝተማህረትን ምዃና እቲ ሓበሬታ ኣፍሊጡ።

ኣብ ገዛ ኮይና ናይ ቀዳማይ ደረጃ ትምህርታ ብምዝዛማ፡ ኣብ ዩኒቨርስቲ፡ ናይ ሳይኮሎጂ ኮርስ ንምውሳድ ተመዝጊባ ኣላ።

ተፕልጃኮቫ፡ ኣብ ሃገረ ሩስያ፡ እታ ዝነኣኣሰት ተማሃሪት ዩኒቨርስቲ ኮይና፡ ክብረ ወሰን፡ ክትሕዝ ክኢላ ኣላ።