መርመራ ናይ 11 ኣባላት፡ ሕሉፍ ጀርመናዊ ኣሸባሪ ጒጅለ “ግሩፕ ኤስ” ሎሚ ሰሉስ፡ ኣብ ከተማ ሽቱትጋርት፡ ጀርመን፡ ከም ዝካየድ ተገሊጹ።
እዞም ዕድሜኦም ኣብ ክሊ 16 ክሳብ 32 ዓመት ዝኾነ ኣባላት’ዚ ጉጅለ፡ ኣብ ወርሒ ለካቲት ናይ ዝሓለፈ ዓመት፡ ኣብ ትሕቲ ቀይዲ ምእታዎም ዝዝከር እዩ። እዚ ግብረ ሽበራዊ ጉጅለ፡ ኣብ ልዕሊ ስደተኛታት፥ ኣስላምን ገለ ፖለቲከኛታትን ግብረሽበራዊ መጥቃዕቲ ንምክያድ ውጥን ከም ዝነበሮም ንኣኽባር ሕጊ እታ ሃገር ብምጥቃስ ቢቢሲ ሓቢራ’ላ።
ዕላማ ናይዚ ጉጅለ፡ ንመንግስቲ ጀርመን ኣፍሪስካ፡ ሓድሽ ውዳበ ምምስራት ምዃኑ ጸብጻባት የመልክቱ።
ነዚ ጒጅለ፡ ንዋታዊ ሓገዝ ኣብ ምቕራብ ዝሳተፍ ዝነበረ ፖሊስ እውን ከም መበል 12 ክሱስ ኮይኑ ቀሪቡ’ሎ። ሓደ ድማ ገና ይህደን ምህላዉ ተገሊጹ።
