ዓቃባዊ ከምኡውን ሰልፊ ዕዮ ትሕቲ 18 ዝዕድሜኦም ኮተቴ ክሳብ ፍርቂ ለይቲ ክሰርሑ ኣለዎምዶ/የብሎምን ኣብ ዝብል ሕቶ ኣብ ክርክር ምህላዎም ማዕከን ዜና ኖርወይ ሓቢራ። ብመሰረት ህሉው ሕጊታት ትሕቲ 18 ዝዕድሜኦን ኮተቴ ካብ ሰዓት 11 ምሸት ንደሓር ክሰርሑ ኣይፍቀደሎምን እዩ።
ካብ 15-18 ዝዕድሜኦም ኮተቴ ኣብ ወቕቲ ሳመር ክሳብ ፍርቂ ለይቲ ክሰርሑ ብሕጊ ክፍቀድ ዓቃባዊ ሰልፊ እማም ኣቕሪቡ’ሎ።
“ኲባንያታት ካብ ማንም እዋን ንላዕሊ ሰራሕተኛታት ኣብ ዝደልዩሉ ዘለዉ እዋን ክሳብ ሰዓት 11 ኢኹም ትሰርሑ ምባል ትርጒም የብሉን” ክብል መራሒ ዓቃባዊ ሰልፊ ሄንሪክ ኣሸም ን ማዕከን ዜና ኖርወይ ኣብ ዝሃቦ ጠቒሱ’ሎ።
“እዚ ናይ ስራሕ ናይ ግዜ ገደብ እዞም ኮተቴ ካብቲ ቀንዲ ዕማሞም ማለት ትምህርቶም ከይጎናደቡ ብምባል ዝተደንገገ እዩ” ክትብል ኣብ ሰልፊ ዕዮ ኣባል ጒጅለ ባይቶ ሊስ ሳንድነስ ነቲ ሓሳብ ተቓዊማ’ላ።
