ዋጋታት ኣባይቲ ስቶክሆልምን ዮተበሪን ይጎድል ኣሎ።

ዋጋታት ኣባይቲ፡ ብፍላይ ኣብተን ክልተ ዝዓበያ ከተማታት ሸወደን፡ ስቶክሆልምን ዮተበሪን የንቈልቊል ምህላዉ፡ ካብ ኲባንያ ስቨንስክ ማክላርስታቲስቲክ ዝተረኽበ ሓበሬታ ኣመልኪቱ። ኣብ ወርሓ ግንቦት፡ ብሃገር ደረጃ ዋጋታት ኣፓርትማ ብሓደ ሚእታዊት ምጒዳሎም እንተኾነ ግና ዋጋታት ገዛውቲ ከይተቐየረ ምጽንሑ ዝፍለጥ ኮይኑ፡ ኣብ ከባቢ ስቶክሆልም ግና ዋጋታት ኣፓርታማ ብ ክልተ ሚእታዊት ምንቊልቋሉ፡ ሬድዮ ሽወደን ኣመልኪታ። ኣብ ስቶክሆልም ዘሎ ምጒዳል ዋጋ ኣባይቲ፡ ኣብ መላእ ሃገር ንዝህሉ መጻኢ ኲነታት ዋጋታት ኣባይቲ ዘርኢ እዩ፡ ክብል ሓላፊ ትንተና ስቨንስክ ማክላስታቲስቲክ ፐር ኣርነ ሳንድክረን ገሊጹ’ሎ።