ኩባንያ ኢክያ፡ ንመጀመርያ ግዜ፡ ካልኣይ ኢድ ኣቕሑ ገዛ ዝሸይጥ ሓድሽ ጨንፈር ኣብ ምምሕዳር ኢስክሊስቱና ከምዝኸፈተ ሓቢሩ።
ዕላማ ምኽፋት ናይዚ ሓድሽ ጨንፈር፡ ብኩባንያ ኢክያ ዝተጸገኑ፡ ካልኣይ ኢድ ኣቕሑ ገዛ፡ ኣብ ዕዳጋ ብምውራድ ብህዝቢ ዘለዎም ተቐባልነት ንምግምጋም ምዃኑ ኣካያዲ’ቲ ጨንፈር፡ ዮናስ ካርሊሂድ፡ ንጋዜጣ ዳግነዝ ኒሂተር ሓቢሩ። ውጽኢት ናይዚ ፈተነ፡ ኣብ ዝቕጽል ሽዱሽተ ኣዋርሕ ምስ ተራእየ ከምዚኦም ዓይነት ጨናፍር ኣብ ካልኦት ምምሕዳራት ናይ ምኽፈት ተኽእሎታት ክረአ እዩ ክብል ወሲኹ።
ዓርሞሾሽ ኩባንያ ኢክያ፡ ኣብ ቬስትሮስ ዝርከቡ ጨናፍሩ እንከለዉ ንዝተሰብሩ ኣቕሑ፡ ከም እንደገና ብምጽጋን፡ ከም ካልኣይ ኢድ ኣቕሑ ገዛ ገይሩ ብዝሓሰረ ዋጋ ንኽሸጦ መደብ ከምዘለዎ ሓቢሩ።
