ዓርሞሾሽ ኩባንያ መካይን ቮልቮ ወጻኢታቱ ንምቅናስ ኣብ ዝቕጽል ካልኣይ ፍርቂ ዓመት ኣስታት 4100 ኣብ መላእ ዓለም ካብ ዝርከቡ ሰራሕተኛታቱ ከፋኑ መደብ ከምዘለዎን ካብዚኣቶም እቶም 1250 ኣብ ውሽጢ ሽወደን ዝሰርሑ ዘለዉ ክኾኑ እዮም ክብል ከም ዝገለጸ TT ሓቢሩ።
ጸረ ቅልውላው ለበዳ ኮሮና ተባሂሎም ዝተወስዱ ስጉምታት ኣብ ልዕሊ ውጽኢት ናይ ፍርያትና ዓቢ ኣሉታዊ ጽልዋ ፈጢሮም። ኣብ ቀረባ መጻኢ፡ መጠን ጠለብ ናይ ፍርያትና ልዑል ክኸውን ከምዘይክእል ገምጊምና ኣለና። ስለዚ ነቲ ዝፍጠር ኩነታት ክንዳለወሉን ክንቅበሎን ይግባኣና ክብል ኣካያዲ ኩባንያ ቮልቮ ማርቲን ሎንስቲድ ገሊጹ።
መንግስቲ ሽወደን ንኩባንያ ቮልቮ ክሕግዝ እንተዘይውጥን ነይሩ፡ ብዝሒ ናይቶም ዝፋነዉ ሰባት ካብዚ ቁጽሪ ዝለዓለ ክኸውን ምኻኣለ ክብል እቲ ኩባንያ ኣዘኻኺሩ።
