ኣብ ከተማ ኦብሳላ ዝረአ ዘሎ ናህሪ ምስፍሕፋሕ ለበዳ ኮሮና ንምቁጽጻር፡ ካብ ስኑይ 19/10/2020 ጀሚራ፡ እታ ቀዳመይቲ ከባብያዊ ቀይድታት ዝትግበረላ ምምሕዳር ክትከውን ትጽቢት ኣሎ። ነዚ ጉዳይ ብዝምልከት፡ ኣብቲ ከተማ ዝርከቡ ሓካይም ምክልኻል ለበዳ ምስ በዓል መዚ ጥዕና ሽወደን ሎሚ ረቡዕ ኣኼባ ከካይዱ ምዃኖም ተለቪዥን ሽወደን ሓቢሩ።
ነቲ ካብ ዕለት 19/10/2020 ዝጅምር መምርሒታት ከባብያዊ ቀይድታት ንኽትግበሩ ዝውስን ኣካል፡ በዓል መዚ ጥዕና ሽወደን ምዃኑ ይፍለጥ።
ሓላፊ ምክልኻል ለበዳ ከተማ ኦብሳላ፡ ዮሃን ኖዌድ፡ ምስ ኣማኻሪ ሽወደን ኣብ ጉዳያት ተማሓላለፍቲ ሕማማት፡ ኣንድሽ ቲግኒል፡ ብዛዕባ ትግባረ ከባብያዊ ቀይድታት ኣመልኪቱ፡ ሎሚ፡ ክራኸብ ምዃኑ ድማ ተፈሊጡ ኣሎ።
