እስኩተር ንምክራይ፡ ናይ ፖሊስ ፍቓድ፡ ከድሊ ምዃኑ ተሓቢሩ

ኣብ ከተማ ስቶክሆሎም ዝረአ ዘሎ ብዝሒ ናይ እስኩተራት፡ ሰማይ በጺሑ ከምዘሎ ዝገለጸ ቦርድ መጓዓዝያ ስቶክሆሎም፡ ወነንቲ እስኩተራት ዝኾና ኩባንያታት፡ እስኩተራት ንከካርያ፡ ናይ ፖሊስ ፍቓድ ክህልወን ከምዝግባእ ኣፍሊጡ ክብል ማዕከን ዜና ተተ ሓቢሩ።

እዚ ሓድሽ ሕጊ፡ ኣብ ልዕሊ እዘን ኩባንያታት ዘሎና ኣተሓሕዛ፡ ከነትርር ክኽእለና እዩ። እዘን ኩባንያታት ድማ ኣብ ልዕሊ እተን እስኩተራት ዘለወን ተገዳስነት ከዕብያ ከምዘለወን እንተዘይኮይኑ ድማ ፍቓደን ክሕደጋ እየን ክብል ከንቲባ በዓል መዚ መጓዓዝያ፡ ዳኒኤል ሄልደን ገሊጹ።

እዘን ኩባንያታት፡ ንሓንቲ እስኩተርም ዝኸውን ናይ ክራይ ፍቓድ ንኽረኽባ፡ ዓመታዊ 1,400 ክሮነር ክኸፍላ እየን።

በዚ ተሰሊዑ ዘሎ ዋጋ፡ ክንዲ እዘን ንምሉእ ከተማ ዝመላኣ እስኩተራት ጌርካ ክትሰርሕ፡ መኽሰብ ዘለዎ ኣይክኸውንን ስለዝኾነ፡ ቁጽሪ ናይዘን እስኩተራት ክጎድል፡ ተስፋ ንገብር ክብል፡ ዳኒኤል፡ ወሲኹ አብሪሁ።