ዋና ጸሓፊ ኣፍሪቃዊ ሃገራዊ ባይቶ (ANC) ደቡብ ኣፍሪቃ: ብክሲ ብልሽውና ክድስክል ዝተገብረሉ ኣገባብ ተቓዊሙ። እዚ ቅልስ ኣብ ውሽጢ እቲ መንግስቲ ዝመርሕ ዘሎ ሰልፊ: ምክፍፋል ምህላዉ: ዘመልክት እዩ ተባሂሉ’ሎ።
ኤስ ማጋሹለ: ነቲ ዝቐረበሉ ክሲታት ኣይወዓልኩዎን ድሕሪ ምባል: ዘለዎ ስልጣን ብምጥቃም: ንፕረሲደንት ኪሪል ራማፎሳ: ከም ዘደስክሎ ገሊጹ’ሎ። እቲ ፕረሲደንት ብወገኑ: ብብልሽውና ዝኽሰሱ ኣባላት ኣፍሪቃዊ ሃገራዊ ባይቶ: ስልጣኖም ኣብ ውሽጢ 30 መዓልታት እንድሕሪ ዘይለቒቖም: ካብ ስልጣኖም ክድስክሉ እዮም ክብል መጠንቀቕታ ሂቡ’ሎ።
ጽንክር ዝበለ ስነምግባራዊ ኮድ ዝኽተል: ኔልሰን ማንዴላ: ዝመስረቶን ሰልፊ ኣፍሪቃዊ ሃገራዊ ባይቶ: ኣብታ ሃገር ዘሳፍሐ ብልሽውና ምውጋእ ቀንዲ ዕላማኡ ጌሩ ከም ዝዓዪ እዩ ዝገልጽ።
