ኣገልግሎት ተለቪዝዮን ሽወደን TV4 ፈነውኣ ደው ኣቢላ።

ኣገልግሎት ተለቪዝዮን ሽወደን TV4 ብሰንኪ ምስ ወሃቢ ኣገልግሎት ኢንተርነት ዝኾነ Com Hem ዘይምስምማዓ ካብ ትማሊ ምሸት ሰዓት 23፡59 ጀሚራ ፈነወኣ ደወ ከምዝበለ ተሓቢሩ። እዘን ክልተ መሻርኽቲ ማለት TV4ን Com Hem በሓባር ኣብ ፈነወ ተለቪዝዮን ዝነበራ ኮይነን ን ኣስታት 1.6 ሚልዮን ስድራቤት ሽወደን ብዝተፈላልየ መደብ ኣብ ምሃብ ዝጸንሓን፡ ሕጂ ግን ብሰንኪ ኣብ መንጎኤን ዝተፈጠረ ዘይምስምማዕ ኣገልግሎት ፈነወ ተለቪዝዮን TV4 ፈነወኣ ደው ከምዝበለ ኣካየድቲ ናይዚ ፈንወ ሓቢሮም።

ብመስረት ኣካየድቲ ተለቪዝዮን TV4 እዚ ሽግር ዝተፈጥረ ብስንኪ ኣካየድቲ Com Hem ኣብ መደባት ተለቪዝዮን TV4 ዓበይቲ ነገራት ብዘይተወሳኺ ክፍሊት ክፍነወሎም ብምሕታቶም ሙኻኑ ሓቢሮም። ሲጋብ ትማሊ ዕለት 10 ታሕሳስ ቀጻሊ ርኽባትን እኻ እንተተኻየደ ኣብ ጭቡጥ ነገር ብዘይ ምብጻሕና ካብ ትማሊ ምሽት ፍርቂ ለይቲ ጀሚሩ ኣገልግሎት ተለቪዝዮን TV4 ደው ክብል ወስና ክብሉ እዞም ኣካየድቲ ወስኾም ገልጾም።

ኣገልግሎት ተለቪዝዮን TV4 ዳርጋ ንመላእ ሽወደን ዝሽፍን ኮይኑ ነዚ ጠንቂ ምቑራጽ ፈነወ  ዝኾኑ ኣካየድቲ Com Hem ብትሪ ይወቅሱ። እዚ ፈነወ ተለቪዝዮን TV4 መኣስ ናብ ንጡፍ ፈነውኡ ከምዝምለስ ግን ዛጊድ ዝተሓበረ የለን።