ኣብ ብዙሓት ቦታታት ሽወደን ለበዳ ኮሮና ብናህሪ ይውስኽ ኣሎ ክብል በዓል መዚ ህዝባዊ ጥዕና ገሊጹ።

ኣቐድም ኣቢሉ ትኽ ዝበለ መስመር ብዝብል ክግለጽ ዝጸንሐ ዝርግሐ ለበዳ ኮሮና ኲነታት ይቕየር ምህላዉ ተገሊጹ። ሕላፊት ትንተና በዓልመዚ ህዝባዊ ጥዕና ን ሬድዮ P1 ኣብ ዝሃበቶ ሓበሬታ እቲ ኣሃዛት ብናህሪ ይውስኽ ምህላዉ፡ እንተኾነ ግና ካብዚ ብምብጋስ ብዛዕባ መጻኢ ምትንባይ ከም ዘሸግር ገሊጻ። ኣብ ዝበዝሑ ክፋላት ሽወደን ሕጂ’ውን ህድእ ዝበለ ኲነታት ምህላዉ፥ ኣብ ገሊኡ ግና ብኣንጻሩ ብናህሪ ዝዓቢ ለበዳ ምህላዉ ድማ ተመልኪቱ። ብመሰረት እቲ ኤጀንሲ ስጋብ ሮቡዕ ሽወደን ልዕሊ 5000 ትሑዛት እቲ ሕማምን 240 ግዳያት ሞትን ኮይኖም ኣለዉ።