መጠነ ሞት ግዳያት ኮቪድ-19 ብራዚል: ልዕሊ 400 ሽሕ ምብጽሑን: በዚ ድማ ኣብ ዓለምና ብኻልኣይ ደረጃ ዝዓበየ ኣሃዝ ምምዝጋባን ቢቢሲ ሓቢራ።
እዚ እናኾነ: መደብ ክትባት ጸረ ኮቪድ-19: ብዘገምታ ይሳለጥ ምህላዉን እዚ ድማ ብ ኮንግረስ መርመራ ክግበረሉ ከም ዝደረኸ ተፈሊጡ።
ኣብ ፈለማ ወርሒ ሚያዝያ: ኣብ ሓደ መዓልቲ: ቁጽሪ ናይቶም ዝሞቱ 4000 ብምብጻሕ: ዝለዓለ ቊጽሪ ኣመዝጊቡ ምንባሩን ኣብ ዝሓለፋ 24 ሰዓታት 3001 ሰባት ንሞት ከም እተቓልዑን ቢቢሲ ሓቢራ።
ፕረሲደንት ኣየር ባልሰናሮ:: ዕጽዋ፥ ምጥቃም ማስክን ከስተናዕቕን ፍቱንነቶም ዘይተረጋገጹ መድሃኒታት ምጥቃም ከተባብዕ ምጽንሑን ዝዘከረ እቲ ሓበሬታ በዚ ድማ ከቢድ ነቐፌታ ይወርዶ ምህላዉ እቲ ዜና ኣመልኪቱ።
ምስ ምልውዋጥ ጅር ቫይረስ: ገዚፍ መጠን ለበዳ እናሃለወ: መንግስቲ: ግቡእ ስጒምቲታት ብዘይምውሳዱን ኸም እተኸስተ ተሓቢሩ። መንግስቲ ደንጒዩ ውን ይዂን ብዝተኸተሎ መምርሒታት ኣብ ብርክት ዝበላ ቦታታት እንተላይ ኣብቲ ኣገልግሎት ጥዕና ፈጺሙ ፈሪስሉ ዝነበረ ቦታታት ከይተረፈ ኲነታት ተመሓዪሹ ምህላዉ ድማ ተገሊጹ።
