ኣብ ሽወደን ዓመታዊ ሓሙሽተ ቆልዑ ብሓዲኡ ወለዲኦም ከም ዝቕተሉ “ካሊበር” ኣቃሊዓ።

ኣብ ሽወደን ዓመታዊ ሓሙሽተ ቆልዑ ብሓዲኡ ወለዲኦም ከም ዝቕተሉ መርመራዊት ፕሮግራም ሬድዮ ሽወደን–“ካሊበር”–
ኣቃሊዓ። እታ ፕሮግራም ነዚ ዝገለጸት 10 ኣብ ቀረባ እዋን ዝተኸስቱ ቅትለታት ቆልዑ ድሕሪ ምምርማር እያ። ኣብዚ ቅትለታት
ወለዲ በዚ ገበን ተጠርጢሮም ወይ ተኸሲሶም ኣብ ትሕቲ ቀይዲ ምእታዎም ዝፍለጥ እዩ።
ኣብዚ ጒዳይ ዝምልከቶም ሰብመዚ ቅድሚ ሞት እቲ ህጻን ብዛዕባ ኣሰንባዲ ባህርያት ወለዲ ጸብጻብ ይበጽሖም ምንባሩ ገሊጾም
ኣለዉ።
እዚ እናኾነ፡ ምምሕዳራት ከተማን ዞባታትን ነዚ ቅትለት ህጻናት ንምውጋድ ክንድቲ ዝግባእ ጻዕሪ ይገብራ የለዋን ክብል ኣብ ሃገራዊ
ቦርድ ጥዕናን ድሕነትን ሞዋ ማንሃይመር ኣተሓሳሲቡ’ሎ።