ኣብ ልዕሊ ኣንደርሾን ዘሎ ደገፍ ይዓቢ

ምምሕዳር ከተማ ካልማር፤ ነተን ብሶሻል ዲሞክርትና ዝምራሓ ካልኦት ምምሕዳራት ስዒባ፤ ከም መራሒት ሰልፊ ሶሻል ዲሞክራትና፤ ንስቴፋን ሎቪን ተካኢት ንኽትከውን ንሚኒስተር ፋይናንስ፤ ማግዳሊና ኣንደርሾን፤ ደገፋ ሂባ ክብል ማዕከን ዜና ተተ ሓቢሩ።
ኣብቲ ኣብ ዓመተ 2022 ዝካየድ ሃገራዊ ምርጫ፤ ሰልፊ ሶሻል ዲሞክራትና ንኽዕወት፤ ኣንደርሾን፤ ነቲ ሰልፊ ብብቕዓት ኣብ ምምራሕን ናብ ዓወት ኣብ ምብጻሕን ዓቢ ተራ ክትጻወት ከምእትኽእል፤ ኣብ ምምሕዳር ከተማ ካልማር ዝርከብ ኣቦወንበር ሰልፊ ሶሻል ዲሞክራትና፤ ኣንደሽ ሀንሪክሶን፤ ኣብ ዝካየዶ ጋዜጣዊ መግለጺ ሓቢሩ።
ዝበዝሑ ኣብተን 21 ምምሕዳራት ሽወደን ዝርከቡ ወከልቲ ሰልፊ ሶሻል ዲሞክራትና፤ ንስቴፋን ሎቪን ተኪኣ ከም ምረሒት ሰልፊ ንኸተገልግል፤ ንማግደሊና ኣንደርሾን፤ ሓጽዮማ ኣለዉ።
ኣብቲ ካብ ዕለት 03 ክሳብ 07 ሕዳር ኣብ ዝካየድ ኣኼባ ሰልፊ ሶሽል ዲሞክራትና፤ ብጀካ ኣንደርሾን፤ ክሳብ ሕጂ ካልእ ሕጹይ ኣባል ከምዘየለ ይፍለጥ።