ኣባላት ምንቅስቓስ ክሊማ ኣብ ጽርግያ ኮፍ ብምባል ብዘካየድዎ ሰልፊ ተኾኒኖም።

12 ኣባላት ምንቅስቓስ ክሊማ ሕጊታት ፖሊስ ሸለል ብምባሎምን ተኾኒኖም። እዞም ኣባላት ምንቅስቓስ ኣብዚ ሳመር ካብ ስቶክሆልም ብሸነኽ ሰሜን ኣብ ዝርከብ ጽርግያ ተሽከርከርቲ E4 ኮፍ ብምባል ናይ ተቓውሞ ሰልፊ ምክያዶም ዝፍለጥ እዩ። ዕላማ ናይዚ ሰልፊ ብዛዕባ ህሉው ቅልውላው ክሊማ ኣቓልቦ ንምስሓብ ምዃኑ ብምጥቃስ ምንም ኣበሳ ከም ዘይፈጸሙ እዞም ኣባላት ምንቅስቓስ ገሊጾም ኣለዉ።

እቲ ሰልፊ ኣብ ግዜኡ ብዙሕ ኣቓልቦ እኳ እንተሰሓበ ናብ ኬሮሊኒስካ ዩኒቨርሲቲ ሆስፒታል እተቕንዕ ዝነበረት ኣምቡላንስ ክትደናጐ ብምግባሩ ቊጥዐ ኣለዓዒሉ ምንባሩ ሬድዮ ሽወደን ጸብጺባ’ላ።