ኣስታት ሓደ ካብ ኣርባዕተ መንእሰያት፡ ሳልሳይ እብረ ክታበት ዝወሰደ እዩ

ክሳብ ሕጂ ኣብ ሽወደን፡ ቁጽሪ ናይቶም ክልተ እብረ ክታበት ዝወሰዱ ልዕሊ 12 ዓመት ዝኾኑ ሰባት፡ 7,313,144 በጺሑ ከምዘሎን፡ እዚ ማለት ድማ፡  80.9% ካብ መላእ ልዕሊ 12 ዓመት ዝዕድሚኦም ህዝቢ ሽወደን ምዃኑ፡ መዛግብቲ ሃገራዊ ኣወሃሃዲ ክታበት ገሊጾም ክብል ማዕከን ዜና ተተ ሓቢሩ።

1,927,627 ዝኾኑ ልዕሊ 18 ዓመት ዝዕድሚኦም ሽወደናውያን ድማ፡ ሳልሳይ እብረ ክታበት ወሲዶም ከምዘለዉን እዚ ማለት ድማ፡ 23.2% ካብ መላእ ቁጽሪ ልዕሊ 18 ዓመት ዝዕድሚኦም ሽወደናውያን ማለት እዩ።

ኣብ መላእ ሽወደን፡ 1,246,755 ሰባት፡ ብኮቪድ-19 ዝተለኽፉ ኮይኖም፡ ብሰንኪ ሕማም ኮቪድ ዘስዓቦ ጥዕናዊ ሕልኽላኻት ድማ፡ 15,226 ሰባት ሂወቶም ከምዝሰኣኑ፡ ጸብጻባት በዓል መዚ ህዝባዊ ጥዕና ሽወደን ይሕብሩ።