ኢንግሊዛውያን ኣብ ስዊድን ሻቅሎት ይኣትዎም።

ብሪጣንያዊ ዜጋ ማሊ ማክሌን ብሪጣንያ ብዘይውዕል ካብ ኣባልነት ኣውሮጳዊ ሕብረት እንተስሒባ ንእኡን ካልኦት 28 ሽሕ ብሪጣንያውያን እንታይ ክገንፎም ከም ዝኽእል ካብ መንግስቲ ሽወደን ግልጺ መልእኽቲ ከም ዝጽበ ኣፍሊጡ።

ባይቶ ብሪጣንያ ናይ ምስሓብ ስምምዕ ከውጽእ በዚ ድማ ናይ ክልተ ዓመት ናይ መሰጋገሪ እዋን ክህሉ እዩ ዝብል ተስፋ ከም ዘለዎ መንግስቲ ሽወደን ገሊጹ’ሎ።

እንተኾነ ሽወደን ኣብ መጋቢት ህጹጽ ለውጢ ክህሉ እዩ፥ ወይ’ውን ብሪጣንያ ብዘይ ዝኾነ ውዕል ካብ ኣውሮጳዊ ሕብረት ክትወጽእ ትኽእል እያ ብዝብል ምቅርራብ ትገብር ምህላዋ ይፍለጥ።

ማሊ ማክሌን ሓደ ካብቶም ኣብ ሽወደን ፌይስቡክ ብሪጣንያውያን ነበርቲ ሽወደን ዝብል ናይ ጒጅለ ዓምዲ ዘካይድ እዩ።

ኣብዝመጽእ ሳምንቲ ብዝውሰን ነገር ኣዝዩ ክጽሎ ከም ዝኽእል ክኣ ንሬድዮ ሽወደን ሓቢሩ’ሎ።