ኢትዮጵያ: ናይ ባዕላ መራኸቢ ብዙሓን ትሃንጽ

ኢትዮጵያ ምስ ዓበይቲ ማዕከናት ማሕበራዊ ሚድያ ዝኾና Facebook, Twitter, Whatssapp ከምኡውን Zoom ዝወዳደር ሚድያ ምቛም ጀሚራ ተባሂሉ።

ኣብ ትግራይ ዝግበር ዘሎ ኲናት ደገፍቱን ተቓወምቱን ኣብ ማሕበራዊ ሚድያ ዓብዪ ኲናት የካይዱ ምህላዎም ጠንቂ ናይዚ መንግስታዊ ፕሮጀክት እዩ ተባሂሉ’ሎ።

Facebook ነቶም ቅኑዕ ስእሊ ኢትዮጵያ ዝዝርግሑ ሰባት እናፈለየ ሕሳቦም ይስርዝ ኔሩ እዩ ክብል ዳይረክተር ጀነራል በዓልመዚ ድሕነት መርበብ ኮምፕዩተር (ኢንሳ):  ሹመቴ ግዛው: ይኸስስ።

ኣብ ዝሓለፈ ዓመት: መንግስቲ ኢትዮጵያ: ብዘይፍትሓዊ ኣገባብ ማሕበራዊ ሚድያታት ብምዕጻዉ: ኣህጒራውያን ጒጅለታት ሰብኣዊ መሰላት ክነቕፍኦ ምጽንሐን ዝፍለጥ እዩ።

ኢትዮጵያ ነዚ ጀሚራቶ ዘላ ናይ ባዕላ መድረኽ ሚድያ ምስ ሃነጸት ን Facebook, Twitter, Whatssapp፥ Zoom ይዂን ካልኦት ማሕበራዊ ሚድያታት ናይ ምዕጻው ውጥን የብላን ክብል ሹመቴ ገሊጹ’ሎ።