ኖርወይ፡ ምብራቕ ፊንማርክ (Finnmark) ባዶ ከይተርፍ ስግኣት የንጸላልዎ።

ምብራቕ ፊንማርክ(Finnmark)፡ ብዘይ ሰብ ከይተርፍ ዓብዪ ስግኣት ኣንጸላልይዎ ምህላዉ ብምምልካት፡ ሓንቲ ኮሚተ ኣብዚ ዞባ ትሑት ቀረጽ፡ ነዊሕ ናይ ዕረፍቲ ግዜን ዝወሓደ ናይ በረራ ዋጋን ክተኣታቶ ዝብል እማመ ምቕራባ ተገሊጹ። መራሒ ቆንስል ምብራቕ ፊንማርክን ከንቲባ ምምሕዳር ከተማ ቫድሶን ቬንች ፒደርሸን፡ እዚ ቦታ ከም መፈተንታ ጥቕሉሉ መፍትሒታት ጌርካ ክረአ ከም ዝኽእል ገሊጹ’ሎ። ብዘይካዚ፡ መንግስቲ ረብሓታት ቆልዑ ብዕጽፊ ብምውሳኽ፡ ናጻ ናይ ቆልዑ ክንክን ብምቛም፡ ከምኡ’ውን ዝሓሰረ ናይ ተመሃሮ ልቓሕን ካልእን ስጒምቲታት ክወስድ እታ ቆንስል እማመኣ ኣቕሪባ’ላ።