ንጸሓያዊ ምንጪ ኤሌክትሪክ ኣፍሪቃ፡ ዝኸውን ሓገዝ ክግበር እዩ

ብምኽንያት ለበዳ ኮሮና፡ ኣብ ናእሽቱ ትካላት ቢዝነስ ምህናጽ ተጀሚሩ ዝነበረ ምትካል ጸሓያዊ ጸዓት ከም እተቛረጸ ተመልኪቱ። በዚ ጸዓት ኣቢልካ ዝግበር ዝነበረ ምምላእ ባትሪ  ሞባይልን ናይ ገጠር ስርዓተ መብራህቲን፡ ብምኽንያት ምቊራጽ ፋይናንሳዊ ሓገዝ ሲዳ፡ ተኣጓጉሉ እዩ ጸኒሑ። እዚ ናይ ረድኤት ትካል፡ ነተን ጸዓት ኤሌክትሪክ ክሃንጻ ዝደልያ ናእሽቱ ቢዝነሳት ጠመተ ጌሩ ዝሰርሕ እዩ። እዞም ፕሮጀክቲታት እንድሕሪ ፈሺሎምን ዕዳ ክኽፈል እንተ ዘይተኻኢሉን መንግስቲ ሽወደን ከም ኣውሓሲ ዕዳ 90 ሚልዮን SEK ክኸፍል እዩ ይብል እቲ ዜና። እዚ SIMA እተሰምየ ነዚ ፋይናንስ ዘመሓድር ትካል፡ ክሳብ ፍርቂ ቢልዮን ክሮና ከለቅሕ ይኽእል።

እቲ ውጥን፡ ትሕተ ሰሃራ ኣፍሪቃ ኣብ ዝርከባ 25 ሃገራት ክሳብ 100 ዝኸውን ልቓሓት ንምቕራብ እዩ። እዚ ልቓሕ ካብ 50 ሽሕ ዶላር ክሳብ 2.5 ሚልዮን ዶላር ዝበጽሕ እዩ ተባሂሉ’ሎ።