ንያምኮ ሳቡኒ ብፍቓዳ ተሰናቢታ።

ሓፈሻዊ ምርጫ ሽወደን ክካይድ ሓሙሽተ ኣዋርሕ ጥራይ ተሪፍዎ ኣብ ዝበሃለሉ ዘሎ እዋን፡ መራሒት ሊበራላዊ ሰልፊ ንያምኮ ሳቡኒ ብፍቓዳ ካብ መዝነታ ምስንባታ ኣዘራራቢ ኮይኑ’ሎ።

ሰልፋ ኣብ ሽወደናውያን ደገፍ ንምርካብ ጽዑቚ ጎስጓስ ክሃንጽ ዝጸንሐት ሳቡኒ ነዚ ውሳነ ኣመልኪታ ንጋዜጣዊ ዋዕላ ኣብ ዝሃበቶ ቃል ደጊም ነቲ ሰልፊ ኣብ ሓፈሻዊ ምርጫ ናይ ምምራሕ ብቕዓት ኣሎኒ ኢላ ከም ዘይትኣምን ገሊጻ’ላ። ብዛዕባኣ ከም ሰብ ዝቐርቡ ኮኑ ሕጂ ሽወደን ከም ሃገር ዘለዉዋ ብድሆታት ዝምልከት ዘተ ከም ዘይትደሊ እውን ወሲኻ ገሊጻ’ላ። እቲ ሰልፊ ኣብ ዝመጽእ መስከረም ኣብ ዝካየድ ሓፈሻዊ ምርጫ ሽወደን ብምክትል መራሒኡ ጆሃን ፐርሶን ኣቢሉ ክውከል እዩ ተባሂሉ’ሎ።