ናይጀርያ፡ 4 ሚልዮን ብልቃጥ ክታበት፡ ካብ ኣሜሪካ ትረክብ

ኣሜሪካ፡ ከም ኣካል ናይቲ ንመላእ ኣፍሪቃ ዝኣተወቶ ናይ 80 ሚልዮን ብልቃጥ ሓገዝ፡ ኤምባሲ ኣሜሪካ ኣብ ናይጀርያ፡ ናይ 4 ሚልዮን ብልቃጥ ከም ዝለገሰ ተገሊጹ።

ኣሜሪካ፡ ነዚ ሓገዝ፡ ብመንገዲ ኣህጒራዊ ትካል ምዝርጋሕ ክትባት፡ ኮቫክስ፡ ኣቢላ እያ ነዚ ክታበት ለጊሳ ዘላ። ኣብ ርእሰ ከተማ እታ ሃገር፡ ኣቡጃ፡ ናይ ምርኽኻብ ስነስርዓት ከም እተፈጸመ ድማ ተገሊጹ።

እዚ ፍርያት ኩባንያ ሞደርና ዝኾነ ክታበት፡ ኣብታ ሃገር ዘሎ መጠን ክትባት ከቀላጥፎ ከም ዝኽእል ሰብመዚ ናይጀርያ ሓቢሮም ኣለዉ።

ናይጀርያ ካብ መላእ 200 ሚልዮን ህዝባ፡ ዛጊት 1% ጥራይ ተኸቲቡ ከም ዘሎ ጸብጻባት እታ ሃገር የመልክቱ።