ቱርክ ን ሕቶ ምጽንባር ፊንላንድ ናብ ኔቶ ቅዲ ምርጫ ንምቕባል ድልውቲ እያ ተባሂሉ።

ቱርክ ንምጽንባር ፊንላንድ ናብ ኔቶ፡ ካብ ሽወደን ፈልያ ከተጽድቖ ውጥን ከም ዘለዋ ተፈሊጡ። እዚ ምጽዳቕ ቅድሚ’ቲ ኣብ 14
ግንቦት ዝካየድ ባይቶኣዊን ፕረሲደንታዊን ምርጫ ክትግበር ከም ዝኽእል፥ ክልተ ሰብመዚ ቱርክ ትማል ረቡዕ ን ሮይተርስ
ሓቢሮም።
ባይቶ ቱርክ ኣብ መፋርቕ ሚያዝያ ምርጫ ንምክያድ ቅድሚ ምዕጻዉ፡ ን ኣባልነት ፊንላንድ ናብ ኔቶ ከጽድቕ ይኽእል እዩ ክብሉ
እቶም ሰብመዚ ወሲኾም ገሊጾም ኣለዉ።
እዚ እናኾነ ፕረሲደንት ፊንላንድ ናይ ስራሕ ምብጻሕ ንምፍጻም ናብ ቱርክ ክጓዓዝ፥ ከምኡውን ጽባሕ ዓርቢ ምስ መዘናኡ
ፕረሲደንት ዒርዶጋን ኣብ ኢስታንቡል ክራኸብ እዩ–ብመሰረት ጸብጻብ ሬድዮ ሽወደን።