ዴንማርክ ብ ቀዳም ዶባታ እኳ እንተኸፈተት ዛጊት ሒደት ሽወደናውያን በጻሕቲ ጥራይ ክትቅበል ፍቓደኛ ምዃና ተገሊጹ ክትብል ሬድዮ ሽወደን ሓቢራ።
ብመሰረት በዓልመዚ ምቁጽጻር ለበዳታት ዴንማርክ ኣብ ሽወደን ብዘይካ ኣብ ዞባታት Vesterbotten ኣብ ዝተረፋ ኣውራጃታት እቲ ለበዳ ኣብ ዝለዓለ ደረጃ ምህላዉ እንተኾነ ግና ተቐማጦ ስኮና (Skåna)፡ ሶርምላንድ (Särmland)፡ ቬስተርቦትን (Westerbotten)፡ ሃላንድ (Halland) ን ብሌኪንያ (Blekinge) ካብዚ ለበዳ ናጻ ምዃኖም ዘርኢ ውጽኢት መርምራ እንተርእዮም ንዴኒማርክ ካብ ዕለት 27/06/2020 ጀሚሮም ክኣትዉ ከም ዝኽእሉ ሓቢራ’ላ ይብል ጸብጻብ ሬድዮ ሽወደን።
ቅድሚ ምኽፋት ዶባታ ዴኒማርክ ብዛዕባ’ዚ ንሽውደናውያን መብርሂ ምሃባን ኣብዘን ዝተጠቕሳ ከተማታት ዝነብሩ ተመርሚሮም ክኣትዉ ከም ዝኽእሉ ምግላጻን ተፈሊጡ።
እዚ ሕማም ኣብዘን ምስ ዴኒማርክ ዝዳወባ ኣውራጃታት ሽወደን እናገደደ እንተመጺኡ ተጓዕዝቲ ብውሕዱ ቅድሚ 72 ሰዓታት ኣትሒዙ ካብዚ ለበዳ ናጻ ምዃኖም ግድነት ብምርግጋጽ ጥራይ እዮም ክኣትዉ ዝፍቀደሎም ክብል እቲ በዓልመዚ ወሲኹ ኣስሚሩሉ።
