ባርሰሎን ንናፖሊ ናብ ሜዳ ካምፑኑ ዓዲማ ኣብ ዝገብረቶ ጸወታ ቡሉጽነት መሲ ዝተራእየሉ ናይ ፍርቂ እብረ ጸወታ ሓንቲ ሸቶ ብሽሙ ሓንቲ ድማ ፍጹም ቅላዕ ኣብ ዘበርከተሉ ብ ስዋረዝን ሌንግሌት ወሲኻ 3 ሸቶታት ብምምዝጋብ 3 ብ 1 ብምምራሕ ናብ ዕረፍቲ ኣምሪሔን። ነዚ ጸወታ ዘመሓላልፎ ዝነብረ ጋዜጠኛ ጎል ዶት ኮም ብ ድንቂ 2ይቲ ሸቶ ተመሲጡ መሲ ስብ ድዩ ንሙኻኑ ክብል ኣድናቖቱ ገሊጹ። ድሕሪ ዕረፍቲ ዝተመዝገበ ሸቶ ኣይነበረን ብድምር ውጺኢት ባርሰሎና 4 ብ 2 ብምዕዋት ናብ ሊዝበን ኣምሪሓ።
በዚ ናይ ሎሚ ሸቶ መሲ ኣብ ቻምፒዮን ሊግ ብ ድምር ኣብ ልዕሊ 35 ጋንታታት ሸቶ ዘመዝገበ እንኮ ተጸዋታይ ክኸውን ከሎ ክርስያኖ ሮናልድ ኣብ ልዕሊ 33 ጋንታታት ብምምዝጋብ ይስዕቦ።
ኣብ ካልእ ናይ ሎሚ ምሸት ጸወታ ጀርመናይዊት ክለብ ባየር ሙኒኽ ኣብ ልዕሊ ቸልሲ ብገፊሕ 4 ብ 1 ብምዕዋት ብናይ ክልተ እግሪ ድምር ድማ 7 ብ 1 ክትዕወት ከላ፣ ሎዋንዲስኪ ክልተ ሽቶታት ብምምዝጋብ ሸቶታቱ ኣብ ውድድር ቻምፒዮን ሊግ ናብ 13 ብምብራኽ ብሸቶታት ኣብ ምምራሕ ይርከብ።
ናይ ዘን ክልተ ዓርሞሽሽ ጋንታታት ጸወታ ኣብ ፖርትጋላዊት ከተማ ሊዝበን ናብ ፍርቂ ፍጻሜ መን ሓለፈ ነሓሰ 14 ዝካየድ ኮይኑ ኣፍቀርቲ ስፖርት ብ ኣግኡ ካብ ዝጽበይዎ ዘለዉ ግጥም እዩ።
