ብጉዳይ ዕጸ ፋርስ፡ ሓደ ኣብ 50ታት ዝዕድሚኡ ሰብኣይ፡ ን 11 ዓመትን መንፈቕን ከምዝተፈርደ ማዕከን ዜና ተተ ኣቃሊሑ።
እዚ ገበነኛ፡ ሓደ ካብቶም ብስሩዕን ዝተወሃሃደን መንገድታት፡ ሄሮይንን ኮከይንን ዝኣመሰሉ ብብዝሒ ዕጸ ፋርስ፡ ካብ ሃገረ ሆላንድ ናብ ሽወደን ዘእትዉ ምዃኑ ተሓቢሩ።
እቲ ጉዳይ፡ ምስቲ ኣብ ዮተበሪ ዘጋጠመ ዕድጊ ናይ ዕጸ ፋርስ ዝተሓሓዝ ምዃኑ ዝፍለጥ ኮይኑ፡ ካብ ናይ ዮተቦሪ ቤት ፍርዲ ይግባይ ብምባል ናብ ቤት ፍርዲ ስቶክሆሎም ዝተሰጋገረ ምዃኑ ተፈሊጡ። ኣቐድም ኣቢሉ፡ እዚ ቤት ፍርዲ፡ ን14 ምስ ዕጸ ፋርስ ምትሕሓዝ ዘለዎም ገበነኛታት ፍርዲ ከምዝበየነን፡ እቲ ዝለዓለ፡ ናይ ትሽዓተ ዓመታት ፍርዲ ምብያኑ ገሊጹ።
እቲ ገበነኛ፡ ኣብ ወርሒ የካቲት ናይ ዝሓለፈ ዓመት፡ ኣብ ሃገረ ሆላንድ ተታሒዙ ናብ ሽወደን ዝተረከበ እዩ።
