ብዓይነቱ ናይ መጀመሪያ ምዃኑ ዝተነግረሉ ኣብ ትሕቲ ዞባዊ ምምሕዳራት ተቖጺሮም ዝሰርሑ ኣኽበርቲ ስርዓት ማለት ordning vakt ኣብ ገለ ክፋል ቦታታ ስቶክሆልም ካብ ዝመጽእ ዘሎ ዓመት ናብ ሓለዋን ምኽባር ሕግን ከምዝዋፈሩ ራዲዮ ሽወደን ኣብ ናይ ትማሊ ማዓልቲ ጸብጻቡ ሓቢሩ። በዚ መሰረት ኣብ ንኡስ ዞባ ያርቫ ማለት ኣብ ሪንኪቢ ሁስቢን ኣካላን ስርሖም ከምዝጅምሩ ክፍለጥ ተኻኢሉ ኣሎ። እቶም እክበርቲ ሕግን ስርዓትን ማለት ordning Vakt ብቐጥታ ከም ሰራሕተኛታት ምምሕዳር ዞባታት ኮይኖም ከምዝሰርሑን፣ ካብቲ ቅድሚ ሕጂ ካብ ከም securitas, ዝእመሰላ ትካላት ሓለዋ ስነ ስርዓት፣ ብመልክዕ ክራይ፣ ከምዘይኮነ ክፍለጥ ተኻኢሉ።
እቶም ናይ ሓለዋ ኣባላት ኣብ እዘን ዝተጠቕሳ ከባብታት እንዳተዘዋወሩ ክሰርሑ ምዃኖምን፣ ነቲ ኣብቲ ከባቢ በብግዚኡ ካብ ተቐማጦ ዝቐርብ ንጉድለት ስርዓትን ሕግን ብዝምልከት መረረታት፣ ኣብ ምህድእን ምፍታሕን ተራ ከምዝህልዎም፣ ትጽቢት ይግበር።
