ብምኽንያት ምድንፋዕ ኢንዱስትሪ፡ ኣብ ሰሜን ዝያዳ መማህራን የድልዩ ኣለዉ ተባሂሉ።

ኣብ ሰሜን ሽወደን ዝርከባ ዓበይቲ ኢንዱስትሪያዊ ፕሮጀክቲታት ኣብ ኣብያተ ትምህርቲ ሕጽረት መማህራን ክኽሰት ምግባረን ተፈሊጡ። ነዚ ጠለብ ንምምላእ ዩኒቨርሲቲ ኡሜዮ ሓድሽ ፕሮግራም ስልጠና መማህራን ክጅምር እዩ። እዚ ሞያውያን ከምኡውን ናይ ቅድመ-ትምህርቲ መማህራን ናይ ምስልጣን ፕሮግራም ኣብ ስከለፍተዮ ክወሃብ እዩ ተባሂሉ’ሎ።

ኣብቲ ዞባ ካብ ትጽቢት ወጻኢ ዝኾነ ምድንፋዕ ኢንዱስትሪ ይምዝገብ ብምህላዉ ጠለብ መማህራን ብእኡ መጠን ምውሳኹ  ንሓላፊ ምስልጣን መማህራን ዩኒቨርሲቲ ኮሌጅ ኡኔዮ ላርስ-ኤሪክ ሎሪዝ ብምጥቃስ ሬድዮ ሽወደን ጸብጺባ’ላ።