ኣብ ባይቶ ሽወደን ሓድሽ ምብዋዝ ካቢነ ተኻይዱ። ቀዳማይ ሚኒስተር ሽወደን ስቴፋን ሉፈን ብሰሉስ ኣብ ዝሃቦ መግለጺ ሓድሽ ካቢነ ክብውዝ ምዃኑን እዚ ድማ ኣብ ዝሓለፋ ሒደት ሳምንታት ንኻልኣይ ግዜ ዝግበር ዘሎ ምብዋዝ ምዃኑን ተፈሊጡ። ብመሰረት እዚ ሓድሽ ምብዋዝ ሚኒስተር ሲቪላዊ ጒዳያት ኣርዳላን ሺካርበ ሓድሽ ሚኒስተር ማሕበራዊ ድሕነት ክኸውን እዩ።
እዚ ዝኾነ ብምኽንያት ሞት በዓልቤታ ሚኒስተር ኣኒካ ስትራንዳል ካብ ስልጣና ብፍቓዳ ድሕሪ ምስንባታ እዩ። እዚ ይኹን’ምበር ካብ ፖለቲካ ንሓዋሩ ከም ዘይትሰናበት ኣብ ናይ ፌይስቡክ ገጻ ገሊጻ’ላ። ብዘይካዚ ሉፈን ን ሊና ሚኮ ሚኒስተር ከተማዊ ጒዳያት ጌሩ ሸይሙዋ ምህላዉ ተፈሊጡ።
