Credit: Alexander Olivera/TT
ሽወደን ኣብ እዋን ቅልውላው ክትገብሮ ብዛዕባ ዝግባእ ኲለመዳያዊ ምድላው፥ ማለት ሲቪላዊን ወተሃደራዊን ዘጠቓልል
“ሓፈሻዊ ምክልኻል” ኣብ ካሪክለም ትምህርቲ እቱው ክኸውን ጻውዒት ቀሪቡ። ካብ 6 ክሳብ 12 ዝዕድሜኦም ቆልዑ ብዛዕባ
እዚ ጒዳይ ኣብ ቤት ትምህርቲ ፍልጠት ክቐስሙ ይግባእ ክብል ዩኒቨርሲቲ ካርልስታድ ኣብ ቀረባ ግዜ ንሕትመት ኣብ ዝበቅዕ
ጸብጻቡ ገሊጹ’ሎ። ኣብ ክፍለ ትምህርቲ ስነ-ዜጋ፥ ጂኦግራፊ፥ ስነህይወት፡ ፊዚክስ፥ ኬሚስትሪን ዝወሃብ ምህሮ ድሕሪ ምጽናዕ፥
ቆልዑ ክመጽእ ንዝኽእል ጽንኲር እዋናት ከመይ ዝበለ ምድላዋት ክትገብር ከም ዝግባኣካ ዝኾነ ዝጥቀስ ነገር ዘይምህላዉ
ከም ዘሻቐሎ እቲ መጽናዕቲ ኣተሓሳሲቡ’ሎ።
