ስቶክሆልም 5ይ ዓመት ግብረሽበራዊ መጥቃዕቲ ድሮትኒንጋታን ዘኪራ።

ቅድሚ ሓሙሽተ ዓመታት ልክዕ ከም ትማሊ ኣብ ማእከላይ ስቶክሆልም ድሮትኒንጋታን ግብረሽበራዊ መጥቃዕቲ ተፈጺሙ ኔሩ። እቲ ግብረ-ሽበራዊ ሓንቲ ዓባይ መኪና ናብ ሲቪላውያን እተኣከቡሉ ቦታ ብምዝዋር ሓሙሽተ ሰባት ክቐትል እንከሎ ደርዘን ዝኾኑ ድማ ምቚሳሉ ዝዝከር እዩ። ኣብ ኣደባባይ ሰርገል ናይ ዝኽሪ ኣገልግሎት ዝተፈጸመ ኮይኑ ቀዳመይቲ ሚኒስተር ሽወደን ማግዳሌና ኣንደርሾንን ወራሲት ዓራት ልእልቲ ቪክቶርያ ከም”ኡውን በዓልቤታ ዳንኤል ዕንባባ ኣንቢሮም ኣለዉ። "7ይ መዓልቲ ሚያዝያ ኣብ ኣካላተይ ቦታ’ለዋ" ክትብል ኣብ እዋን እቲ ግብረሽበራዊ መጥቃዕቲ ጥቓ ቦታ ፍጻመ ዝነበረትን እታ መኪና ናብ ሲቪውያን እንክትውርወር እተዓዘበትን ካሪን ሀርዲንግ ገሊጻ’ላ።