ሩስያ ኣብ ከተማ ኪቭ ደብዳብ ድሮን ኣካዪዳ። 

ኣብ ርእሰ ከተማ ዩክሬይን–ኪቭ–ብውሕዱ ሰለስተ ደብዳባት ከም እተኸስቱ ተገሊጹ። በዚ መጥቃዕቲ ኣብ ማእከላይ ሸቭቸንኪቭስኪ ዝርከብ መንበሪ ህንጻታት ከም ዝዓነወ፡ ከንቲባ እታ ከተማ ቪኣሊ ክሊችኮ ሓቢሩ’ሎ። እዞም መጥቃዕቲታት ብ ነፍሰ ቕትለት ዝገብራ ድሮናት ሩስያ እተፈጸመ እዩ–ብመሰረት ሓላፊ ቤት ጽሕፈት ፕረሲደንት ኣንድሪ የርማክ።

እዚ ደብዳባት ድሮን ሎሚ ሰኑይ ኣብ ከባቢ ሰዓት 7 ንግሆ ከም እተኸስተ ቢቢሲ ጸብጺባ’ላ።

እዚ መጥቃዕቲ ድሮን፡ ኣብ ዝሓለፈ ሰሙን ሰራዊት ዩክሬይን ነቲ ንሩስያን ክሬምያን ዘራኽብ ድልድል ብምዕናዉ፡ ብሩስያ ዝተውህበ ዓጸፌታዊ ምላሽ እዩ፡ ክብል ፕረሲደን ሩስያ ቭላድሚር ፑቲን ገሊጹ’ሎ።