ምኽርታት መገሻ፡ ካብ ወጻኢ ጉዳያት ሽወደን

ቤት ጽሕፈት ወጻኢ ጉዳያት ሽወደን፡ ብሰንኪ ቅልውላው ለበዳ ኮሮና፡ ኣገደስቲ ዘይኮኑ መገሻታት ንኽውገዱ፡ መምርሒታት ኣመሓላሊፉ እኳ እንተነበረ፡ ንቐጻልነቱ ኣመልኪቱ፡ ክሳብ ዕለት 01 ሓምለ ክጸንሕ ምዃኑ ሓቢሩ ኣሎ ክብል ማዕከን ዜና ተተ ኣቃሊሑ።

ይኹን እምበር፡ ካብዚ ናይ መገሻ መምርሒታት ነጻ ዝኾና ሸውዓተ ሃገራት ከምዘለዋ፡ ናብዘን ሃገራት፡ ዝኾነ ዓይነት መገሻታት ክግበር ከምዝከኣል፡ እቲ ቤት ጽሕፈት ሓቢሩ። እተን ሽውዓተ ሃገራት ድማ፡ ዓዲ እንግሊዝ፡ ኣውስትራልያ፡ እስራኤል፡ ኒዊዚላንድ፡ ርዋንዳ፡ ሲንጋፖር፡ ደቡብ ኮርያን ታይላንድን ምዃነን ብተወሳኺ ሓቢሩ። ይኹን እምበር፡ ጥንቃቐ ከድሊ ምዃኑ ግን እቲ ቤት ጽሕፈት ኣዘኻኺሩ።

ኩሎም ገይሾ፡ ብዛዕባ ናይተን ዝኸድወን ዘለዉ ሃገራት ዘመሓላልፈኦ መምርሒታት ኮቪድ-19፡ ብዕቱብ  ከንብብዎ ይግባእ ክብል እቲ ቤት ጽሕፈት ኣዘኻኺሩ።