24/7 fee – the solution to parking problems? Foto: Heiko Junge / NTB / TT / kod 20520
ኣብ ማልመ ዝርከባ መካይን፡ ኣብ እዋን ለይቲ ከይተረፈ፡ ዋጋ መቖሚ ክኸፍላ ምዃነን ተፈሊጡ ኣሎ ክብል ማዕከን ዜና ተተ ገሊጹ።
ኣብቲ ኣብ ግዜያት ቀትሪ ናይ መቖሚ ዝኽፈሎም ቦታታት፡ ኣብ ግዜያት ናይ ምሸት፡ ለይትን ቀዳመ ሰንበትን ውን፡ ዋጋ መቖሚ መካይን፡ ንሓደ ሰዓት 2 ክሮነር ክኸውን እዩ። ኣብቲ ብዙሓት መካይን ዝቖማሉ ኣከባቢ፡ ዋጋታት መቖሚ ክውስኽ ምዃኑ፡ ምምሕዳር ከተማ ማልመ፡ ኣብ ዘውጸኦ ጋዜጣዊ መግለጺ ሓቢሩ።
ዕላማ ናይ 24/7 ክፍሊት መቖሚ፡ ኣብ ማእከል ከተማን ኣብ ከባቢ መንበሪታትን ዘሎ መቖሚ ቦታታት፡ ነቶም መኪነኦም ኣብ እዋን ምሸት፡ ለይትን ቀዳመ ሰንበትን ከቑሙ ዝደልዩ ሰባት፡ ንኣገልግሎት ድሉው ንኽኸውን እዩ ክብል ሓላፊ ሕግታት ትራፊክ ማልመ፡ ኽዋኪም ፍሎረን፡ ኣብ ጋዜጣዊ መግለጺ፡ ሓቢሩ።
