ሚኒስትሪ ጉዳያት ወጻኢ ሽወደን ንምቅጻል ቊርኣን ብትሪ ከም ዝነጽጎገሊጹ።

ሚኒስትሪ ጉዳያት ወጻኢ ሽወደን፡ ኣብ ከተማ ስቶክሆልም ዝተኻየዱ ምቅጻል ቁርኣን "ብትሪ ከም ዝነጽጎም" ንኣገልግሎት ዜና
ሬድዮ ሽወደን ብጽሑፍ ኣብ ዝለኣኾ መግለጺ ሓቢሩ። ዝሓለፈ ረቡዕ ቁርኣን ዘቃጸለ መበቆሉ ካብ ዒራቕ ዝኾነ ሰብ ሓዊስካ
ተግባራት ናይዞም ክልተ ኣድመኛታት፡ ብዝኾነ መንገዲ ንመትከላት መንግስቲ ሽወደን ዘንጸባርቕ ኣይኮነን ክብል እዚ መግለጺ
ሚኒስትሪ ጒዳያት ወጻኢ ሽወደን ኣብሪሁ’ሎ።
ኣብ ስቶክሆልም በብግዜኡ ክካየድ ዝጸንሐ ምቅጻል ቊርኣን ሓያል ኣህጒራዊ ግብረ መልሲ ዘስዓበ ኮይኑ፡ ርእሰ ሊቃነ ጳጳሳት
ካቶሊካዊት ቤተክርስትያን ከይተረፈ ነቲ ተግባር ምዂናኖም ዝፍለጥ እዩ።