ሚስጥራት ሰራዊት ሽወደን ዝዘረወ ሰብኣይ ተኸሲሱ።

ኦንላይን ፎረም ዘመሓድር፡ ኣብ ክሊ ዕድመ 50ታት ዝርከብ ሽወደናዊ፥ ሚስጥር ወተሃደራዊ ኣውታራት ሰራዊት ሽወደን
ብምዝራዉ፥ ብዘይሕጋዊ ምብኻን ሚስጥራዊ ሓበሬታ ተኸሲሱ።
“እቲ ዝባኸነ መረዳእታ፡ ኣብ ምክልኻል እታ ሃገር ኣዝዩ ኣገዳሲ ጒዳያት ዝሓዘ ምንባሩ” ገዲም ኣኽባር ሕጊ ላርስ ሄድቫል
ብሓሙስ ኣብ ዝሃቦ ሓበሬታ ገሊጹ። እቲ ሰብኣይ ነዚ ሚስጥራዊ ሓበሬታ ናብ ናይ ወጻኢ ሓይሊ ስለ ዘይሃበ ብስለያ ኣይተኸሰሰን።
እቲ ሰብኣይ ነቲ ሚስጥር ንኻልእ ሃገር ኣሕሊፉ ሂቡ እንተዝነብር፥ ኣብ ምክልኻል ሽወደን ዓብዪ ዕንወት መውረደ ኔሩ ክብል
ሄድቫል ወሲኹ ሓቢሩ’ሎ። እዚ ሚስጥር ናይ ምዝራው ንጥፈት፡ ካብ 2015-2017 ኣብ ዝነበረ ክልተ ዓመታት ዝተፈጸመ
እዩ። ኣብዚ ግዜዚ፥ እቲ ሰብኣይ 213 ተጠቀምቲ ዘለዉዎን ሚስጥራት ዝለዋወጠሉን ናይ ኦንላይን ፎረም የመሓድር ምንባሩ፥
ሬድዮ ሽወደን ጸብጺባ’ላ።
ተኸሳሲ ዝኾነ በደል ኣይፈጸምኲን ክብል ናይ እምነት ክሕደት ቃሉ ሂቡ’ሎ።