መንግስቲ ሽወደን፡ 74 ቢልዮን ክሮነር፡ ከውፍር መደብ ከም ዘለዎ ገሊጹ

እዚ ባጀት’ዚ፡ ንሽወደን፡ ካብቲ ኣጋጢምዋ ዘሎ ቅልውላው ኣውጺኡ ናብ ቅድሚት ዝወስድ ክኸውን እዩ። ብሰንኪ ዝተገብረ ናይ ዕጽዋ ጌጋታት ስዒቡ ዘጋጠመ ቁጠባዊ ቅልውላው፡ ካልኣይ ግዜ ክንደግሞ የብልናን ክትብል፡ ማግዳለና፡ ወሲኻ ገሊጻ።

መንግስቲ ሽወደን፡ ንናይ እዚ ዓመት መጠን ዕቤት ሓፈሻዊ ዘቤታዊ ፍርያት (GDP)፡ 4.4% ንናይ ዝቕጽል ዓመት ድማ 3.5% ክኸውን ከምዝኽእል ገምጋማቱ ኣንቢሩ ኣሎ።

መንግስቲ ሽወደን፡ ኣብ ወርሒ ሰነ ዘቐመጦ ገምጋም መጠን ዕቤት ሓፈሻዊ ዘቤታዊ ፍርያት፡ ናይዚ ዓመት’ዚ፡ 4.7%፡ ናይ ዝቕጽል ዓመት ድማ 2.9% ከም ዝነበረ ይፍለጥ።

ገምጋም መጠን ሽቕለት ኣልቦነት ድማ፡ ኣብዚ ዓመት 8.7%፡ ኣብ ዝቕጽል ዓመት ድማ ናብ 7.7% ክወርድ ዝብል ከምዝነበረ ይዝከር።