መስርሕ ፍርዲ፡ ብሰንኪ ሰብ ሞቶር ሳይክል፡ ኣቋሪጹ

ሎሚ ዓርቢ፡ ኣብ ቤት ፍርዲ ምምሕዳር ከባቢ ሶደርቶርን (Södertörn)፡ ዝካየድ ዝነበረ መስርሕ ፍርዲ፡ ብሰንኪ ኣብ ኣፍደገ እቲ ቤት ፍርዲ ብሞቶር ሳይክላት ዝተወጥሑ ሰባት ዝተፈጥረ ዕግርግርን ናብ ውሽጢ እቲ ቤት ፍርዲ ክኣትዉ ብዝገበርዎ ፈተነን፡ እቲ መስርሕ ከምዝተቛረጸ ጋዜጣ ኤክስፕረሰን ሓቢሩ ክብል ማዕከን ዜና ተተ ኣቃሊሑ።

እንታይ ከም ዘጋጠመ ዝፈልጦ የብለይን፡ እቲ ዝተቐበልክዎ ሓበሬታ፡ እቶም ሰባት፡ ኣብ ደገ ይኹን ኣብ ውሽጢ እቲ ቤት ፍርዲ፡ ስርዓት ከስፍኑ ድሌት ከምዘይብሎም ዝሕብር እዩ ነይሩ። ብሰንኪ’ዚ፡ ንመስርሕ ፍርዲ፡ ከቋርጾ ወሲነ ክብል ፕረዚደንት እቲ ቤት ፍርዲ፡ ፍረድሪክ ኒደን፡ ንጋዜጣ ኤክስፕረሰን ሓቢሩ።

እቲ ዝካየድ ዝነበረ መስርሕ ፍርዲ፡ ምስ ናይ ሞቶር ሳይክል ጉጅለ ዝተሓሓዝ ምንባሩ፡ ኤክስፕረሰን፡ ገሊጹ።