መስመር 1177 ንምርካብ፡ ንሰዓታት ምጽባይ

ኣብ ምምሕዳር ቬስትረ ዮተላንድ፡ ናይ ቴሌፎን ኣገልግሎት ምኽሪ 1177 ንምርካብ፡ ክሳብ ክልተ ሰዓታት ዝኣክል ግዜ ክትጽበ ከምእትግደድ ንጸብጻብ  P4 Skaraborg ብምጥቃስ፡ ማዕከን ዜና ተተ ሓቢሩ።

እቲ ዝለዓለ ጻዕቂ ናይ ተገልገልቲ ዘጋጥመሉ፡ ኣብ እዋን ለይቲ ኮይኑ፡ ካብ ንለበዳ ዝምልከቱ ሕቶታት ክሳብ መንከስቲ ናይ ጣንጡ ዝኣመሰሉ ሕቶታት ከምዝቕበሉ፡ ሓላፊ መስመር ኣገልግሎት 1177 ናይቲ ምምሕዳር፡ ጂል ዮሃንሰን ይገልጽ።

ተገልገልቲ፡ ንነዊሕ ሰዓታት ክጽበዩ ካብ ዝገብሩ ጠንቅታት ሓደ፡ ኣብቲ ምምሕዳር ዘሎ ብዝሒ ናይ ዕረፍቲ እዋናት ክኸውን ከምዝኽእል እቲ ጸብጻብ ጠቒሱ።

ነዚ ተኸሲቱ ዘሎ ጸገም ንምፍታሕ ድማ፡ ኣብ ልዕሊ እቶም ቀወምቲ ሰራሕተኛታት፡ ተወሰኽቲ ግዝያውያን ሰራሕተኛታት ንምቑጻር ይስራሓሉ ከምዘሎ፡ ዮሃንሰን፡ ሓቢሩ።