ሕቶ ዑቕባኦም ዝተነጽጉ፥ ዝጸንሑሉ ማእከላት መምለሲ ክህነጽ እዩ።

ኤጀንሲ ኢሚግሬሽን ሕቶ ዑቕባኦም ዝተነጽገ ሰባት ዝጸንሑሉ ማእከላት መምለሲ ከቕውም ብሰልፊ ዲሞክራሲ ዝድገፍ
መንግስቲ ሎሚ ቅልጡፍ ዕማም ሂብዎ። ሚኒስተር ኢሚግሬሽን ማርያ ማልመር ስቴነርጋርድ ትማሊ ሓሙስ ኣብ ዝሃበቶ ጋዜጣዊ
ዋዕላ፡ ዕላማ ምህናጽ እዚ ማእከላት ሕቶ ዑቕባኦም ዝተነጽገ ሰባት ናብ ዓዶም ክምለሱ ንምግባር ምዃኑ ሓቢራ። ኣብ ዝሓለፈ
ዓመት ሕቶ ዕቚባ ካብ ዘቕረቡ እቶም 74% ጠለቦም ከም እተነጽገ ስተነጋድ ወሲኻ ኣመልኪታ። እንተኾነ ግና ካብቶም ሕቶ
ዕቚባኦም እተነጽጉ 11, 580 ሰባት፥ እቶም 39% ጥራይ ናብ ዓዶም ተመሊሶም ኣለዉ ዝበለት ስተነጋድ፡ 'ኣይፋል' ማለት
'ኣይፋልን' ማለት ክኸውን ኣለዎ" ክትብል እዚ ምእካብ ተመለስቲ፥ ሕቶ ዕቚባ እዞም ሰባት ከም ዘብቅዐ ዘመልክት ምዃኑ
ኣስሚራትሉ።