ኣብ መስኮት ኮፍ ዝበለት ሰበይቲ (ወይ ማቲተሬሳ) ብዝብል ስም እትፍለጥ ስእሊ፡ ፓብሎ ፒካሶ፡ 100 ሚልዮን ዶላር ከም እተሸጠት ተገሊጹ። ብ 9 ኣሃዛት ካብ እተሸጣ ስእልታት ፒካሶ፡ መበል ሓሙሸይቲ ምዃና ድማ ኣብ ዓውደ ስነጥበብ ዝነጥፉ ክኢላታት ይገልጹ። ኣጫረትቲ እታ ስእሊ፡ እንተ በዝሐ፡ 55 ሚልዮን ክትሽየጥ እያ ዝብል ግምት እኳ እንተነበሮም፡ ብዳርጋ ዕጽፊ ግምቶም ከም ዝተገዝአት ገሊጾም ኣለዉ። እዛ ስእሊ፡ ን 19 ደቓይቕ ጥራይ እያ ኣብ ጨረታ ጸኒሓ።
ፕረሲደንት ናይ’ዚ ትማሊ ሓሙስ ጨረታ ዘካየደ፡ ክሪስቲስ ኣመሪካ ዝተባህለ ትካል ዝኾነ ቦኒ ብረናን፡ ኣመሪካ ካብ ቅልውላው ኮሮና ውጺኣ ናብ ንቡር ትምለስ ምህላዋ እዚ ጨረታ ህያው ምስክር እዩ፡ ኢሉ።
እዛ ስእሊ፡ ውሽማ ፒካሶ ዝነበረት፡ ማሬተረሳ ዋልተር፡ ቅድሚ ሸሞንተ ዓመታት ብፍርቂ ናይዚ ዝተሸጠቶ ዋጋ ከም እተገዝአት ይፍለጥ።
