ሓለውቲ ባቡራት ብግዜያውነት ናብ መደበር ባቡር ክምለሱ እዮም።

ማሕበር ባቡር “ST” ኣብ መደበር ባቡራት ስቶክሆልም በይኖም ንዝዓዩ ኣውቲስት ባቡራት ስልጠና ንምሃብ ናይ ህጹጽ እዋን
ደውታ ስራሕ ክግበር ጸዊዑ። ማሕበራት ከምዚ ዓይነት ኣሰራርሓ ዝኽተላ፥ ንህይወትን ጥዕናን ሰራሕተኛታት “ህጹጽን ከቢድን
ሓደጋ” ከስዕብ ዝኽእል ኲነታት ምስ ዝፍጠር እዩ። ነዚ ክኸውን ዝደረኸ ድማ ዝሓለፈ ሰሙን ኣውቲስቲ ባቡር ሽወደን ንሰለስተ
መዓልታት ዘካየድዎደ ቊጥዐ ዝተመልኦ ኣድማ እዩ።
ሓለውቲ ባቡራት ካብ ስራሕ ክሰናበቱ የብሎምን ዝብል ጠለብ ዝመንቀሊኡ ኣድማ ኣውቲስቲ ባቡር፥ ብ ማሕበር ባቡራት “ST’
“ደገፍ ከም ዝነበሮ ዝፍለጥ እዩ።
ኣካያዲ ባቡራት MTR፥ ካብ በዓልመዚ ኣከባቢ ውሳነ ይጽበ እኳ እንተሎ፥ ሓለውቲ ባቡራት ብግዜያውነት ከም ዝምለሱ
ጌሩ’ሎ። ኣብ ቀጻሊ በዓልመዚ ኣከባቢ ነቲ ማሕበር ክድግፍ፥ ወይ ድማ ኣውቲስቲ ባቡር ብዘይ ተሓጋገዝቲ ስራሕ ክቕጽሉ ዝብል
ውሳኔኡ ከሕልፍ እዩ።