ክሳብ ዕለት 19 መስከረም ናይዛ ዓመት እዚኣ፡ ልዕሊ 18 ዓመት ዝኾኑ ኖርወጃዉያን ምሉእ ብምሉእ ክታበት ክትህቦም ምዃና፡ በዓል መዚ ጥዕና ኖርወይ(FHI)፡ ኣብቲ ኣብ ቀረባ ግዜ እተነበዮ፡ ናይ ክታበት ትንቢቱ ገሊጹ ኣሎ።
ኣብቲ ትማሊ ዓርቢ፡ ዝወጸ ገምጋማት እቲ በዓል መዚ ከም ዝሕብሮ፡ ኩሎም ዓበይቲ ሰባት፡ ክታበት ንኽውድኡ ተገምጊምሉ ዝነበረ ዕለት፡ ካብቲ እቲ በዓል መዚ ኣቐዲሙ እተነበዮ ዕለት 12 መስከረም፡ ናብ ሓደ ሰሙን ከም እተደናጎየ እቲ ወኪል በዓል መዚ ሓቢሩ።
ክልተ እብረ ክታበት ኮቪድ-19 ኣብ ውሽጢ ሸውዓተ ሳምንታት ዝወሃብ ምዃኑ ዝፍለጥ እዩ፡ ስለዚ፡ ኣብቲ ዝተጠቕሰ ዕለት፡ ኩሎም ልዕሊ ዕድመ ዝኾኑ ሰባት፡ ክታበቶም ንኽውድኡ ክከኣል ምእንቲ፡ እታ ቀዳመይቲ እብረ ክታበት፡ ኣብ መጀመርታ ወርሒ ነሓሰ ንኽወሃብ መደብ ተታሒዙ ኣሎ።
ኣብ ውሽጢ ኖርወይ፡ እቶም ዝተረፉ ክታበታት ኣብ ጥቕሚ ንኽዉዕል እንተድኣ ተፈቒዱ፡ እቲ ኹሎም ልዕሊ ዕድመ ዝኾኑ ሰባት፡ ምሉእ ብምሉእ ክኽተቡላ ዝኸእሉ ዕለት ክትቅየር ትኽእል ኢያ ክብል (FHI) ኣብ ገምጋሙ ግሊጹ።
