ሃገራት ኖርዲክ ብሓባር ክትባት ከፍርያ እየን። 

ዝሓለፈ ዓመት ንክትባት ኮቪድ-19 ንመዓልታት ድሕሪ ምጽባይ ሽወደንን ጎረባብታ ዝኾና ሃገራት ኖርዲክ ኣብ መጻኢ ክኽሰት ዝኽእል ለበዳ ንምክልኻል ናይ ባዕለን ናይ ሓባር ክትባት ዘፍሪ ትካል ንምህናጽ ሃቐና ከም ዘለወን ተገሊጹ። 

ክሳብ ዝመጽእ ወርሓ ግንቦት ናይ ተደማዓይነት መጽናዕቲ (feasibility study) ክውዳእ እዩ ተባሂሉ’ሎ። 

“ኣብ ቀጻሊ ለበዳ ምስ ዝለዓል እዩ ንዜጋታትና ብዝቐልጠፈ ክትባት መታን ክንቅርብ ዓቕምና መታን ክሕይል ብምባል ኢና ነዚ ሓሳባት ኣንቂልናዮ ዘሎና ” ክብል ሚኒስተር ንግድን ኢንዱስትሪን ካርል-ፒተር ቶርዋልድሰን ን ወኪል ኤና TT ሓቢሩ’ሎ።