Credit: Pernilla Wadebäck/Sveriges Radio, Naina Helèn Jåma/TT
ፖሊስን ኣኽበርቲ ሕጊን፡ ዝተወደቡ ጉጅለታት ገበን ካብ ሰባት ብዘይሕጋዊ ኣገባብ ንምምንዛዕ ብኣርቲፊሻል ኢንተሊጀንስ ዝተፈጥሩ ስእልታትን ቪድዮታትን ጽዩፍ ስእልታት ጾታዊ ርክብ ይጥቀሙ ከምዘለዉ መጠንቀቓታ ምትሕልላፎም ኣገልግሎት ዜና ሬድዮ ሽወደን ሓቢራ። መብዛሕትኡ ግዜ እቶም ግዳያት መንእሰያት ኣወዳት ኮይኖም፡ ነቶም ገበነኛታት ንምኽፋል ልቓሕ ክወስዱ ክግደዱ ይረኣዩ እዮም። ኣብ ዮተቦሪ ኣብ ዝርከብ ማእከል ልምዓት በዓል መዚ ዓቃቢ ሕጊ ሽወደን ኤሜሊ ካልፈልት “እዚ ጽዩፍ ስእልታትን ተንቀሳቓሲ ምስልታትን ተጠቒምካ ዝግበር ዘይግቡእ ምዝመዛ ገንዘብ” ነቶም ግዳያት መንእሰያት ህይወቶም ክስእኑ ክገብሮም ከምዝኽእል ኣተሓሳሲባ’ላ
