ፕረዚደንት ነበር ዶናልድ ትራምፕ፡ ንጆ ባይደን ኣብ ክንዲ ምንቃፍ፡ ኣብ ክንዲ ኣብ መልእኽቲ “ሓድነት” ንምትኳር፡ ነቲ ኣብ ጉባኤ ዝሃቦ መደረ ምሉእ ብምሉእ ዳግማይ ጽሒፍዎ ኣሎ ብምባል፡ ትማሊ ሰንበት ምሸት ድሕሪ እቲ ፈተነ ህይወቱ ዝገበሮ ናይ መጀመርታ ቃለ መሕትት ሓደ ሂቡ። ንሱ ንጋዜጣ ዋሽንግተን ኤግዛሚነር ኣብ ዝሃቦ መግለጺ፡ “እቲ ሓሙስ ክህቦ ዝሓሰብኩ መደረ፡ ሑምዲን ክኸውን እዩ ነይሩ” ኢሉ። “እዚ እንተዘይከውን ነይሩ፡ እዚ ሓደ ካብቶም ንምእማኑ ዘጸግሙ መደረታት ምኾነ ነይሩ” ዝበለ ንሱ’ውን መብዛሕትኡ ናብ ፖሊሲታት ፕረዚደንት ባይደን ዝዓለመ ምኾነ ኢሉ።
“ብቕንዕና ክዛረብ እንተኾይነ ሕጂ ፍጹም ዝተፈልየ መደረ ክኸውን’ዩ። ሃገር ኣብ ሓደ ንምምጻእ ዝሕግዝ ዕድል እዩ። ከምኡ ዕድል ተዋሂቡኒ።” ትራምፕ ብተወሳኺ “ክውንነት” ናይቲ ብሰንበት ዘጋጠመ “በቃ ይኣቱ ኣሎ” ክብል ብምግላጽ፡ ብጥይት ከምዝተሃርመ ምስ ተረድአ ናብቲ ህዝቢ ንላዕሊ ዝጠመተላ ህሞት ገሊጹ።
“ኣብታ ህሞት እቲኣ ካብቶም ኣብኡ ዝነበሩ ሰባት ዝመጽእ ዝነበረ ጸዓት፡ ኣብኡ ደው ኢሎም ጥራይ፤ እዚ እንታይ ከም ዝስምዓካ ክትገልጾ ኣጸጋሚ’ኳ እንተኾነ፡ ዓለም ትጥምት ከም ዘላ ግን ፈሊጠ’የ። ነዚ ታሪኽ ከም ዝፈርዶ እፈልጥ ነይረ፡ ጽቡቕ ከም ዘለና ድማ ከፍልጦም ከም ዘለኒ ፈሊጠ ነይረ” ክብል ንጋዜጣ ኤግዛሚነር ተዛሪቡ። እቲ ፕረዚደንት ነበር ቅድሚ ሰዓታት ጥራይ ኣብ ሚልዋኪ ተንኪፉ፡ ኣብዚ ሰሙን ኣብ ሃገራዊ ዋዕላ ሪፑሊካን ክሳተፍን ሕጹይ ናይቲ ሰልፊ ኮይኑ ብወግዒ ክሕጸይን እዩ። ኣብቲ ምርጫ መን መሻርኽቱ ከምዝኸውን እውን ክገልጽ ትጽቢት ይግበር።
ሓደ ላዕለዋይ ሰነተር ዲሞክራትስ ንመደብ ኒውስሃውር ቢቢሲ ኣብ ዝሃቦ መግለጺ፡ ሪፓብሊካን ንጆ ባይደን ዝሃቦ ናይ ጎስጓስ ቃልሲ ንፈተነ ቅትለት ዶናልድ ትራምፕ ክወቅስዎ ዝፍትኑ ዘለዉ “ፍንፉን” እዩ ኢሉ። ቲም ኬይን ነቲ ተኹሲ ብፍጹም ተሓተትቲ ዲሞክራትስ እዮም ዝብል ሓሳብ ብምንጻግ፡ እቲ መጥቃዕቲ ብሓቂ ዘጉልሖ ነገር እንተሃልዩ፡ እቲ ንነዊሕ እዋን ዝጸንሐ ጸገም ጠበንጃ ኣመሪካ ምዃኑ ገሊጹ።
“ከምዚ ዝበለ ሕማም ብረት ዓመጽ ዝፈጥር ብዛዕባ ኣሜሪካ እንታይ ምዃኑ ክትትንትን ኣለካ” ኢሉ።
“ኣብ ዓለም ከምዚ ዓይነት ኣውትላይር ኢና። እዚ ድማ ብዓይነት እቲ ዝያዳ ዝርአ ጻዕሪ’ዩ – ንሓደ ፖለቲካዊ መራሒ ንምቕንጻል ዝግበር ጻዕሪ።” “ብዛዕባ ኣሜሪካ ኣዝዩ ጽቡቕ ነገር ኣሎ ግን ኣብ መስትያት ክንርኢ እኹል ግሉጽ ክንከውን ኣለና።”
“ወዲ 20 ዓመት ከመይ ኢሉ እዩ ነዚ ቅትለት ክፍጽም ዝኽእል ኣውቶማቲክ ኣጽዋር ይረክብ?” በለ ካይን። ፕረዚደንት ባይደን ቅድሚ ቁሩብ ግዜ ንሃገር ኣብ ዘስምዕዎ መደረ፡ ነቲ ኣብ ልዕሊ ዶናልድ ትራምፕ ዝተፈጸመ መጥቃዕቲ ኮኒኖም፡ ኣብቲ ሰልፊ ሓደ ተዓዛቢ ብሞት ኣመልኪቶም።
“ደጊምና በዚ መንገዲ ክንወርድ ኣይንኽእልን ኢና፡ ኣይግባእን’ዩ። ቅድሚ ሕጂ ኣብ ታሪኽና ተጓዒዝናዮ ኢና” ኢሉ።
