ቶብያስ ቢልስትሮም ንስራሕ ኮሚሽነር ሕብረት ኤውሮጳ ተመራጺ እዩ ተባሂሉ

ኣባል ሰልፊ ሞደራትናን ሚኒስተር ጉዳያት ወጻኢን ሽወደን ቶብያስ ቢልስትሮም ቀጻሊ ኮሚሽነር ሕብረት ኤውሮጳ ሽወደን ንምዃን ተመራጺ ምዃኑ ኣገልግሎት ሬድዮን ታብሎይድ ኤክስፕረሰንን ሽወደን ሎም ረቡዕ ጸብጺቡ። ቢልስትሮም ግን ነዚ ጸብጻባት ነጺግዎ’ሎ። ጸሓፊት ፕረስ ቤት ጽሕፈቱ ናብ ጋዜጣ “ዳገንስ ኒሄተር” ኣብ ዝለኣኾ ናይ ጽሑፍ መልእኽቲ፡ ቢልስትሮም ብዙሕ ናእዳኳ እንተቐረበሉ “ኮሚሽነር ኮይኑ ንምግልጋል ድሌት የብሉን” ኢሉ’ሎ። መራሒ ሰልፊ ሞደራትና ቀዳማይ ሚኒስተር ኡልፍ ክሪስተርሾን፡ እንተደንጎየ ክሳብ ዝመጽእ ነሓሰ ሓድሽ ኮሚሽነር ሕብረት ኤውሮጳ ኮይኑ ዝዓዪ አብ ከቕርብ ትጽቢት ይግበር